छापाबाट
भूकम्पपीडितलाई कपडा बुन्दै बेलायती आमा
काठमाडौं, पुस ८ - भूकम्पपीडित नागरिकको व्यवस्थापनमा सरकार उदासीन देखिएका बेला बेलायतका वृद्ध आमाहरु पीडितलाई न्यानाे लुगा बुन्ने अभियानमा जुटेका छन् । क्रिस क्याटोन ग्रिजली निर्देशक रहेको ‘शक्ति मेलोडी’ नामक संस्थामार्फत उनीका लुगा बुनिरहेका यी आमाहरुले अहिलेसम्म झन्डै सय थान हातबुना ब्ल्यांकेट तयार गरिसकेका छन् । कारोबार दैनिकमा समाचार छ ।
- मानव तस्करीको नयाँ जुक्ति : सिरियाली शरणार्थी बनाएर युरोप लगिँदै नेपाली
काठमाडौँ, पुस ८ - युद्धग्रस्त सिरियालगायत मुलुकका शरणार्थीले यतिबेला युरोपेली देशका शिबिरहरु भरिभराउ छन् । त्यही भीडमा नेपाली नागरिकहरुसमेतन रहेको पत्ता लागेको छ । मानव तस्करले सिरिया, रुस। इराक र अफ्रिकी मुलुक हुँदै नेपालीलाई युरोप लगेका हुन् । कान्तिपुर दैनिकमा समाचार छ ।
- नाकाबन्दीको असर : नाफा गुमाउँदै भारतीय कम्पनी
काठमाडौँ, पुस ८ - भारतीय नाकाबन्दखीका कारण नेपालबाट वर्षमा दुई अर्ब रुपैयाँभन्दा बढी लाभांश लैजाने भारतीय बहुराष्ट्रिय कम्पनी पनि प्रभावित भएका छन् । अहिलेसम्म नेपालमा भएको कुल विदेशी लगानीमा भारतीय लगानी पहिलो नम्बरमा आउँछ । अन्नपूर्ण पोस्ट दैनिकमा समाचार छ ।
- आठ महिनादेखि बन्द छ विश्वविद्यालय, आफ्नालाई जागिर खुवाउन तालाबन्दी
दाङ, पुस ८ - गत भदौ ७ गते डा. कुलप्रसाद कोइराला उपकुलपति नियुक्त भएर दाङ आउँदा नेपाल संस्कृति विश्वविद्यालयमा तीन महिनादेखि तालाबन्दी थियो । राजनीतिक नियुक्तिको माग गर्दै कांग्रेस निकट नेविसंघ, प्राध्यापक संघ र कर्मचारी संघले ताला लगाएका थिए ।
- कांग्रेसमा पछि परे महिला, पदाधिकारीमा आरक्षणको कोटा माग
काठमाडौँ, पुस ८ - नेपाली कांग्रेसभित्र नेतृत्व तहमा महिलाको संख्या न्यून छ । केन्द्रीय सदस्यमा खुला, दलित, जनजाति र मधेसी कोटागरी १२ जना महिला सदस्यको सिट सुनिश्चित भए पनि पदाधिकारीमा आरक्षणको कोटा छैन । नेपाल समाचार पत्र दैनिकमा समाचार छ ।
- उद्योगबाटै ग्यास ‘लुट्छन्’ सिडिओ
काठमाडौँ, पुस ८ - भारतीय नाकाबन्दीबीच छिटपुट नेपाल छिरेको खाना पकाउने एलपी ग्यास स्थानीय प्रशासन र प्रहरीकै मिलेमतोमा चरम कालोबजारी भइरहेको भेटिएको छ । राजधानी भित्रने प्रमुख नाका जिल्ला चितवन र धादिङ जिल्ला प्रशासन कार्यालयले यसरी आएका ग्यास उद्योगबाटै ‘लुट्न’ थालेको खुलासा भएको हो ।
- रोकिएन मेडिकल कलेजको ठगी, एम्बीबीएसको ३५ लाख शुल्क कार्यान्वयनमा अटेरी
काठमाडौँ, पुस ८ - शिक्षा मन्त्रालयले यो वर्षको एमबीबीएस शुल्क ३५ लाख रुपैयाँ कायम गर्न विश्वविद्यालय र प्रतिष्ठानहरुलाई लिखित निर्देशन दिए पनि कार्यान्वयन हुन सकेन । त्रिभुवन विश्वविद्यालय र काठमाडौ विश्वविद्यालय अन्तर्गतका मेडिकल कलेजले विद्यार्थी भर्ना गर्दा मन्त्रालयको निर्देशन लत्याउँदै ४८ लाख ५० हजार रुपैयाँसम्म लिएका छन् ।
- स्मार्ट लाइसेन्समा विभाग र ट्राफिकको जुहारी
काठमाडौँ, पुस ८ - यातायात व्यवस्था विभाग र महानगरीय ट्राफिक महाशाखावीच समन्वय नहुँदा मंसिर १४ देखि जारी गरिएको स्मार्ट लाइसेन्स नियमनमा अन्योल देखिएको छ। सडकमा गुडेका सवारी नियमनको जिम्मेवारी महानगरीय ट्राफिक प्रहरीलाई यो लाइसेन्स कसरी नियमन गर्ने र त्यसको रेकर्ड कहाँ राख्ने भन्ने विषयमा पत्तै छैन। कारोबार दैनिकले समाचार छापेको छ।
- बत्ती आउँदा मात्रै खुल्न थाले बैँक
काठमाडौँ, पुस ८ - पैसा राख्न वा निकाल्न बैँक जाँदै हुनुहुन्छ भने पहिला लोडसेडिङको तालिका हेर्नु होला। अन्यथा तपाईले पैसा राख्न वा झिक्न नपाउन सक्नुहुन्छ। इन्धन अभावका कारण बैँक तथा वित्तीय संस्थाहरुले बत्ती आउने समयमा मात्रै यस्तो कारोबार गर्न थालेका छन्। राजधानी दैनिकमा समाचार छ।
- राष्ट्रपति र प्रधानमन्त्री कार्यालय नै ग्यास माग्दै
काठमाडौं, पुस ७ - मुलुकका दुई सर्बोच्च निकाय राष्ट्रपति र प्रधानमन्त्री कार्यालयले एलपी ग्यास उद्योग संघ र उद्योगीसँग ग्यास माग्दै पत्राचार गरेका छन् । प्रधानमन्त्री तथा मन्त्रिपरिषद कार्यालयले ११ थान ग्यास माग्दै पत्र पठाएको संघले जनाएको छ ।
- नक्कली कागजात बनाई मिर्गौला तस्करी
काठमाडौं, पुस ७ - काभ्रे होक्स-२ का ज्ञानबहादुर मिजारले आफ्नो एउटा मिर्गौला मकवानपुरको पालुङ निवासी सूर्यभक्त श्रेष्ठलाई बिक्री गरे । नेपालको कानुनमा नजिकका आफन्तलाई मात्र मिर्गौला बेच्न पाउने व्यवस्थाअनुसार उनले श्रेष्ठको नाममा नक्कली नागरिकतालगायतका सबै झुटा कागजात बनाएर भारत पुगेर मिर्गौला बेचेका हुन् । राजधानी दैनिकमा समाचार छ ।
- प्रहरी लेखापालमाथि अंकुश
काठमाडौं पुस ७ - प्रहरी प्रधान कार्यालयले आर्थिक अनियमितता नियन्त्रण गर्न ८ वर्षभन्दा बढी समय लेखापालको रुपमा कार्यरत कर्मचारीलाई विस्थापित गर्ने भएको छ । कारोबार दैनिकमा समाचार छ । पहुँच, प्रभाव र शक्तिकेन्द्रको संरक्षणमा लामो समयसम्म लेखा शाखामा कार्यरत कर्मचारी कर्मचारीलाई अन्यन्त्र सरुवा गरेर नयाँलाई जिम्मेवारी दिन लागिएको छ । आर्थिक पारदर्शिता कायम राख्न भन्दै आइजीपी उपेन्द्रकान्त अर्यालले लेखा शाखामा मौलाएको भ्रष्टाचार नियन्त्रण गर्न यो तरिका अगाडि सार्न लागेका हुन् ।
- मधेस आन्दोलनप्रति भारतीय राजदूतको टोन परिवर्तन
काठमाडौं पुस ७ - मधेसी मोर्चाका नेताहरुसँग सोमबार बिहान भएको ब्रेकफास्ट भेटमा राजदूत रेले चार महिनाभन्दा लामो मधेस आन्दोलनले निम्त्याएको अभावले आमजनतामा निराशा ब्याप्त भएको भन्दै आन्दोलनरत पक्ष, नेपाल र भारत सरकार कसैको पनि हित नगर्नेतर्फ गम्भीरतापूर्वक सोच्न मोर्चालाई आग्रह गरेका थिए ।
- केयुमा मनपरी शुल्कः मन्त्रालयले जवाफ माग्यो
काठमाडौ, पुस ७ - शिक्षा मन्त्रालयले मनपर्दी शिक्षक शुल्क र योग्यता सुचीविपरित काठमाडौ विश्वविद्यालय अन्तर्गतका कलेजमा जारी भर्नाबारे जवाफ माग गरेको छ। मन्त्रालयले सोमवार सर्वोच्च अदालतको आदेश एवं मन्त्रिपरिषद निर्णयअनुसार मन्त्रालयले तोकिदिएको शिक्षण शुल्क र मेरिटका आधारमा भर्नासम्बन्धी निर्णय कार्यान्वयनको प्रगति विवरण यथाशीघ्र उपलब्ध गराउन सम्बन्धित कलेजलाई पत्राचार गरेको हो। आजको नागरिक दैनिकमा समाचार छ।
- पम्प संचालकहरु थुना र बयानमा
काठमाडौं पुस ७ - नापतौलमा ठगी गरेको अभियोगमा भक्तपुर जिल्ला अदालतले भक्तपुर फ्यु सेन्टरका संचालक पुनराम बखाडेयलाई थुनामा राख्न आदेश दिएको छ । कान्तिपुर दैनिकमा समाचार छ । न्यायाधीश लिप्तबहादुर थापाको इजलासले दुई वर्षदेखि ठगी गर्दै आएका बखाडेयलाई तत्काल प्राप्त प्रमाणका आधार छाड्न नमिल्ने भन्दै कारागार चलानको आदेश दिएका हुन् ।
- कुकुर र स्यालदेखि रक्स्याहासम्मले दुःख दिन्छन् नाकाका धर्नाकारीलाई
वीरगञ्ज, पुस ७ - 'हरेक रात घन्टैपिच्छे दृश्य फरक हुन्छ यहाँको,' असोज ७ देखि अनवरत वीरगन्ज–रक्सौल सीमा नाकामा धर्नामा बसिरहेका पर्सा, सुगौलीबिर्ताका सकुर आलमले सुनाए,"यहाँ रात बिताउनु सजिलो काम होइन।' द्सगजा नाकामा करिब दर्जन धर्नाकारी यस्ता छन् जसले न साउनेझरी भने न पुसको ठन्डी–निरन्तर धर्ना दिइरहेकै छन्। आजको नागरिक दैनिकमा समाचार छ। तिनै एक दजन धर्नाकारीमध्ये एक हुन्, आलम। नेपालको प्रमुख व्यापारिक नाका वीरगन्ज रक्सोलवीच सिर्सिया नदीमाथिको मितेरी पुल। वारि नेपाल, पारि भारत। साउन ३१ देखि बिना पूर्व घोषणा सुरु भएको अनिश्चितकालीन तराई मधेश बन्दको ४१ औँ दिन अर्थात असोज ७ देखि आन्दोलनरत दलहरुले मितेरी पुलमा धर्ना थाले। नाकाबन्द गरेर आपूर्ति रोक्दै सरकारलाई आन्दोलनका मागहरुमा सहमत गराउन धर्ना तीन महिनादेखि जारी छ।
- लण्डनमा लुटेराको सूचीमा नेपाली पनि
लण्डन, पुस ७ - लण्डनमा व्यापक खोजी गरिएका कुख्यात लुटेराहरुको सूचीमा नेपाली पनि परेका छन् । कान्तिपुर दैनिकमा समाचार छ । स्कटल्याण्ड यार्डले सोमबार सार्वजनिक गरेको एक दर्जन लुटेराको सूचीमा २६ वर्षीय सुमन श्रेष्ठ परेका हुन् । बेलायती खबर गार्जियनले जनाएअनुसार सुमनले लण्डन हन्स्लोमा तीन पटक लुटपाट गरेका थिए ।
- फुजेल काण्ड:अभियुक्त छाड्ने अादेश उल्टियो
काठमाडाैं पुस ७ - सर्वाेच्च अदालतले गोरखा फुजेलका कृष्णप्रसाद अधिकारीको हत्याका अभियुक्त छविलाल पौडेललाई धरौटीमा छाड्ने पुनरावेदन अदालत हेटौंडाको आदेशलाई उल्ट्याइदिएको छ । कान्तिपुर दैनिकमा समाचार छ । न्यायाधीश गिरिशचन्द्र लाल र दीपकराज जोशीको इजलाशले सोमबार अपरान्ह जारी गरेको आदेश अनुसार अब पौडेललाई थुनामै राखेर मुद्दाको पुर्पक्ष अघि बढाउनु पर्नेछ । सुरुमा जिल्ला अदालत चितवन र त्यसपछि पुनरावेदन हेटौंडाले अभियुक्त पौडेललाई छाड्ने आदेश दिएको थियो । त्यसविरुद्ध मृतककी आमा गंगामाया अधिकारीले सर्वाेच्चमा निवेदन दिएकी थिइन् ।
- एसएलसीमा लेटर ग्रेडिङ–शिक्षकले बुझेनन्, विद्यार्थीले पढ्नै छाडे
काठमाडौ, पुस ७ - सरकारले यस वर्षदेखि एसएसलीमा सहभागी विद्यार्थीको मूल्यांकन लेटर ग्रेडिङबाट गर्ने भनी गरेको निर्णयले विद्यालय तहमा अन्योल देखिको छ। आजको कान्तिपुर दैनिकमा समाचार छ। विद्यार्थीसँग नजिक रहने शिक्षकले समेत यो प्रणलीका बारेमा जानकार छैनन्। लेटर ग्रेडिङबाट कसरी क्षमता मूल्यांकन गर्ने भन्ने बुझाउन नसक्दा विद्यार्थीले पनि पढ्न छोडेको सरोकारवालाहरुले बताएका छन्।
- नेपाली युवती बलात्कार गर्ने ७ जनालाई मृत्युदण्ड
नयाँदिल्ली, पुस ७ - गत फेब्रुअरी दोस्रो सातामा हरियाणाको रोहतकमा एक नेपाली युवतीमाथि जघन्य बलात्कारसहित हत्या गर्ने ७ जना अभियुक्तलाई मृत्युदण्डको सजाय सुनाएको छ । कान्तिपुर दैनिकमा समाचार छ । मानसिक रोगको उपचारका लागि बर्दिया राजापुरबाट आएकी २८ वर्षीया सुनार युवतीलाई स्थानीय भारतीय नागरिक र नेपाली कामदारले नजिकैको जंगलमा लगेर बलात्कार गरेका थिए । बलात्कारपछि उनको यौनांगमा ढुंगा, फलामका टुक्रा हालेर यातनापूर्ण हत्या गरिएको समाचार आएपछि प्रहरीले ७ जनालाई पक्राउ गरेको थियो ।
- नेपाल-भारतबीच अझै भएन हवाई सम्झौता
काठमाडौं पुस ६ - नेपाल–भारतबीच हवाई सम्झौतासम्बन्धी प्रक्रिया सुरु भएको ५ वर्षमा पनि निष्कर्षमा पुग्न सकेको छैन । दुई देशबीच एयर स्पेस एग्रिमेन्ट (एएसए) नभए नेपालमा बन्दै गरेका क्षेत्रीय अन्तर्राष्ट्रिय विमानस्थहरुले उडान अवतरण गर्न नपाउने दुवै मुलुक जानकार छन् । काराेबार दैनिकमा समाचार छ ।
- मोर्चाको सर्त प्रधानमन्त्रीको राजीनामा
काठमाडौं, पुस ६ - प्रमुख प्रतिपक्षी कांग्रेस र मधेसमा आन्दोलनरत संयुक्त लोकतान्त्रिक मधेसी मोर्चाबीच अबको माग प्रधानमन्त्री केपी ओलीको राजीनामालाई बनाउने विषयमा छलफल अगाडि बढेको छ ।
- तराईको कोसेली पेट्रोल र ग्यास
उदयपुर, पुस ६ - केही महिनाअघिसम्म काठमाडौँ मा बस्ने आफन्त तथा साथीभाईलाई तराईबाट जानेको कोसेली पेडा, कुराउनी, गुन्द्रुक, भटमास, कोदोको पिठो, अकबरे खुर्सानीको अचार, अलैची, अम्लिसोको कुचो आदि हुन्थ्यो ।
- मकै भट्मास खाएजस्तो औषधि खाँदा बाँझोपनको खतरा
काठमाडौं पुस ६ - नेपालमा गर्भपतन सेवाले कानुनी मान्यता पाएको लामो समय वितेपनि सरकारले ठोस नीति तथा कार्यक्रमलाई ब्यावहारिकरुपमा कार्यान्वयन गर्न नसक्दा झन समस्या जटिल बन्दै गएको छ । नेपाल समाचारपत्र दैनिकमा समाचार छ ।
- बिमा रकम लिन बस जलाउँदै मालिक
रौतहट, पुस ६ - तराईमा आन्दोलन चलिरहेका बेला बसका मालिकले बिमा रकम लिनका लागि आफ्नो बसमा आफै आगजनी गर्न थालेका छन् ।
- राष्ट्रपतिलाई लाञ्छना गणतन्त्रमाथि प्रहार
काठमाडौं पुस ६ - राष्ट्रपति विद्यादेवी भण्डारीप्रति लाञ्छना लगाउँदै अभद्र र असभ्य व्यवहार गर्नेहरुमाथि सरकारले कानुनी कारबाही अघि बढाउने भएको छ । कान्तिपुर दैनिकमा समाचार छ । मन्त्रिपरिषद्को बैठकले दोषीमाथि कारबाहीको निर्णय गरेको हो ।
- यस कारण ओली नेतृत्वको सरकार ढल्छ
काठमाडाैं पुस ६ - संघीय समाजवादी फोरम नेपालका अध्यक्ष उपेन्द्र यादवले मुलुकमा अहिले देखिएको समस्या समाधान भए पनि नभए पनि केपी शर्मा ओली नेतृत्वको सरकार ढल्ने बताएका छन् । ओलीको विकल्प खोज्दा मुलुकको पनि हित हुने दावी गर्दै उनले भने, ‘गैर जिम्मेवार ब्यक्तिलाई जिम्मेवारी दिएर हुँदैन ।’ कान्तिपुर दैनिकमा समाचार छ ।
- राष्ट्रप्रतिप्रति गरिएको व्यवहार प्रति एमालेले के भन्यो ?
काठमाडाैं पुस ६ - एमालेले राष्ट्रपति विद्यादेवी भण्डारीमाथि अमर्यादित व्यवहार भएको भन्दै आपत्ति जनाएको छ । आन्दोलनरत मधेसी मेर्चाको उक्त कदमको भत्सर्ना गर्दै सार्वजनिक रुपमा माफी माग्न मोर्चाका नेताहरुको ध्यानाकर्षण गराएको छ । कान्तिपुर दैनिकमा समाचार छ ।
- 'महाधिवेशन अर्को वर्ष'
काठमाडाैं पुस ६ - एमाओवादी अध्यक्ष पुष्पकमल दाहालले पार्टीको केन्द्रीय समितिमा अर्को वर्ष महाधिवेशन गर्ने बताएका छन् । कान्तिपुर दैनिकमा समाचार छ । केन्द्रीय सदस्य समिति बैठकमा सदस्य हरुका प्रश्नको जवाफ दिने क्रममा दाहालले यस्तो प्रतिबद्धता जनाएका हुन् ।
- प्रदूषणले जाडो !
काठमाडाैं पुस ६ - बढदो वायु प्रदूषणसँगै स्थानीय स्तरमा उत्पन्न भएकार् चिसो बादलका कारण राजधानीसहित देशभर तापक्रम घट्ने क्रम जारी रहेको मौसमविद्हरूले बताएका छन् । कान्तिपुर दैनिकमा समाचार छ ।
Comments
Post a Comment